गजल रसिकहरु
कता हराएछन रसिकहरु, भट्टिमा धाउन छाडे
बाटो बिराएछन रसिकहरु, भट्टिमा गाउन छाडे।।
मायामै रमाएछन् कि त की बेहोशिमा गए कतै
किन डराएछन रसिकहरु, भट्टिमा छाउन छाडे।।
कहिले गुन्द्रि कहिले सुकुल पारदर्शी जलै मिठो
मुटु चर्याएछन रसिकहरु, भट्टिमा पाउन छाडे।।
माहोल बनाउथे मज्जाको मज्जामै बित्थ्यो साँझ पनि
हिजो कराएछन रसिकहरु, भट्टिमा आउन छाडे।।
कोही कतै कहिले काहि गल्ती त गरी हाल्छन
गल्ती दोराएछन रसिकहरु, भट्टिमा लाउन छाडे।।
लाउन:नशा लाग्नु,धोक्नु
No comments:
Post a Comment