गजल गजल फुर्दैछ

कस्तो साइतमा निस्केछु तिम्रो दर्शन जुर्दैछ
लाग्छ तिम्रो नाममा आज यो गजल फुर्दैछ

बषन्त बहार सँगै बगान भए ढकमक्क हेर
मायालु भोटमा सायद, मुनाले मदन कुर्दैछ

रोमान्चित हुँदैछु गीत गाउ गाउ कि नाचौ भन
जसरी आङनिमा, परेवी सँग, परेवा घुर्दैछ

सोचेको थिइन भेट हाम्रो यसरी नै हुन्छ भनी
जसरी निराश अतित हाम्रा, बर्तमान पुर्दैछ

कहाँ कहाँ खोजे मैले कसकस्लाई सोधे सुन्छ्यौ?
हिजो सम्म नचलेको घडी त अहिले द´गुर्दैछ