बयान तिम्रै रङ रुपको

चर्चा चल्छ सधैं चन्द्रमा कै किन चल्थ्यो यो धुपको
हर जम घट्मा एउटै केन्द्र बयान तिम्रै रङ्ग रुपको

कहिले नयन कहिले बदन बोली अनि त्यो चालको
हतपत नसकिने रैछ बाबै बयान तिम्रै रङ्ग रुपको

जवानी तिम्रो मदहोशी हो की नशा छ त्यो हेराईमा
सुराप्याला पिउन छाडी केबल बयान तिम्रै रङ रुपको

गजल तिम्रै गीत तिम्रै श्रृङ्गार अनि भाका तिम्रै
हरेक गल्ली सब सडकमा बयान तिम्रै रङ्ग रुपको

सबका दृष्टि तिमी माथि तर तिम्रो नजर थाहा छैन
आफन्तको मन मुटुमा सदा बयान तिम्रै रङ्ग रुपको