सकेर होइन, नसकी, नसकी, पिएको छु
जानेर होइन, नजानी, नजानी जिएको छु
उद्रिएको मेरो छाती हजुर आसुँ रोकिन्नन्
शब्दको सियो र शब्दकै धागोले सिएको छु
कहीँ कतै,पोखिन सक्लान्,सम्हाली देउ है
भनेर होइन यो जिम्मा नभनी दिएको छु
-------------
सागरमा मुसलधारे, झरिको अर्थ के रह्यो
छुन नसकिने आखिर परिको अर्थ के रह्यो
न घर न घोस्ला चारा टिप्दै उड्नेहरु यहाँ
निशानामा पारीने त्यो चरीको अर्थ के रह्यो
-------
नुन नछर्किय, उसै त छाती पोलिरहेछ
बिन्ती नझर्किय यसै त छाती पोलिरहेछ
भरोशा छैन भन्छन जिन्दगी बाचुंजेल हो
भन्छु नतर्किय त्यसै त छाती पोलिरहेछ
रहर होस चाहे बाध्यता एक्लै बांचे पछि
सक्छौ नफर्किय जसै त छाती पोलिरहेछ
No comments:
Post a Comment