फिर्ता देउ मेरा सपनाहरु

फिर्ता देउ मेरा सपनाहरु
------------------
फिर्ता देउ मेरा सपनाहरु
जुन मैले तिमीलाई दिएको थिए
कोमल अङालोमा
मलमलका बिछ्यौनाहरुमा
हररात तिमीले माग्थ्यौ
मैले माला उनेर दिने गरेका
मेरा मिठा सपनाहरु
हो आज फिर्ता देउ
ति सारा सपनाहरु

तिम्रो कुनै अधिकार थिएनन्
क्षत बिक्षत पार्ने मेरा सपनाहरु
तिम्रा सपना अङ्गिकार गर्छु भन्दै
लगेका मेरा सपनाहरु लाई,
अहिले हत्या गर्दै छौ,,

मेरो कौमार्यताले पुगेन र तिमीलाई?
मेरा सपनाहरु सुसुप्तमा नै
निचोर्दै छौ घाटी थिच्दै छौ,,
बिन्ती देउ मेरा सग्ला सपनाहरु,,

फिर्ता देउ मेरा सपनाहरु

मैले मेरो अस्मिता मागेको छैन
जुन तिमीले भोगेका थियौ,लुटेका थियौ
मेरो जीवनका यौवनका बहार मागेको छैन
जहाँ तिमीले आगो सल्काएका थियौ
मागेको छु त केबल मेरा सपनाहरु
केही मागेर दिए
केही चुडेर लग्यौ
आखिर सारा सपनाहरु तिमीले लग्यौ
म रित्तो छु,,खाली खाली छु
न सिउदो न हत्केला
रङ्गिन नै छन्,,सपना सँगै
भताभुङ्ग पारेर गयौ,,
हामी बिच कहिल्यै नमेटिने
लक्षमण रेखा पनि कोरेर गयौ

तर,, तर फिर्ता देउ
मेरा रङ्गिन सपनाहरु
किन कि यादहरुले
रुवाउदै छन् आजभोलि मलाई
हिजो सँगै सपना बुन्दै गरेका यादहरुले
दोश दिन्न मलाई,,
आफ्नै नरोकिएको जोवनको गतिलाई 
दोश दिन्छु तर तर
फिर्ता देउ
मेरा स्वप्निल संसारका
ति प्रहरहरु ति रहरहरु

मलाई
द्रौपदी बनायौ
दरबारियाको मेहफिलमा
सिता बनायौ
अग्निमा होमेर

खपे सारा पिडाहरु
तर आज मलाई जिउन गाह्रो भयो
मेरा सपनाहरु बिना
त्यसैले मलाई फिर्ता देउ
मेरा सपनाहरु !
.................

श्रीभक्त पौडेल¨आफन्त¨
रामपुर चितवन