प्रेम प्रकाश पौडेल
(तस्बिर टेक्सास अमेरिका बाट बिकास राज न्यौपाने)
--------------------चेलीको तिज
छोरी बहिनीको तिज
भदौरे झरी र बाढिले पनि नरोक्ने तिज
धपक्क बलेको छ शहर र बस्ती,,
यस्तै छ तिज,,मेरो तिज
केही गन्थन छोरीहरु सँग
थुप्रै मन्थन नतिनिहरु सँग
रमाइलो लाग्छ तिज पर्व
उज्यालो बनाउछन् घर
रमाइलो बनाउछन आंगन
छिड्कनी खेलुन चाहे
बरिलै को भाकामा रमाउन
जुरेली र गुलेलिका गीतमा नाचुन
बुढ्यौलीले छोए जस्तो लाग्दैन
उनिहरु सँगै नाच्छु रमाउछु,
सङिनिले बनाएको खिर
ठुल्छोरिले बनाएको लट्टे
सानी छोरीले बनाएकी
करेलिको अचार
के गर्ने तामा र गेडागुडी सहदैन
यो बुढो देहले
तर पनि,,आफ्नै आँगन छेउको
निबुवा र गावा,,सामा त छैन
तर पनि आधुनिक भूजा
छोरी नाती नातिना सँग बसेर
खादा सांच्चै रमाइलो लाग्छ
यो तिज पर्व
राता र पहेंलै लाग्ने तिज
बासी पनि मिठो ताजी पनि मिठो।
कांश र कुरिलो
दर र दत्तिवन
पञ्चमीको घुमाउरो गीत
नटुटे हुन्थ्यो संस्कार
ताली र मादलको झन्कार
अनि हिन्दू(नेपाली)नारीहरुको
पवित्र पर्ब तिज
हरितालीका तिज,,
शुभम !
अस्तु ,,,
............
पौडेल कुटी
प रामपुर चितवन
२०७१ भाद्र १३ शुक्रबार
No comments:
Post a Comment