गजल एकोहोरो सधैं

सुन्दिन भो तिम्रो गन्थन एकोहोरो सधैं
मथ्दिन भो प्यार मन्थन एकोहोरो सधैं

अहमताले भरिएको त्यो राम कहानी
भन्दिन भो कस्तो गन्गन एकोहोरो सधैं

घाइते छु समयको परिस्थिती कठिन
थप्दिन भो अर्को उल्झन एकोहोरो सधैं

दर्पण ले बताउं दैन लुकेका पिडाहरु
देख्दिन भो आफ्नै दुश्मन एकोहोरो सधैं

स्वतन्त्र छु गगनमा म उंड्छु माथि माथि
चाहिन्न भो त्यस्तो बन्धन एकोहोरो सधैं

--------

एस बि पौडेल ¨स्वतन्त्र¨
रामपुर चितवन