हुन्थ्यो दसैं

दु:खाउन आउने भए न आएनी हुन्थ्यो दसैं
सनाइले मालश्री धुन न गाएनी हुन्थ्यो दसैं

परदेशी आफन्तले बिदा पाएनन् रे यसपाली
मझेरी र त्यो आँगनमा न छाएनी हुन्थ्यो दसैं

जमरा र रातो टिका कस्को शिरमा सिउरिने
रुवाउने त्यस्तो खबर न पाएनी हुन्थ्यो दसैं

ठूलोखसी काटने बुवा भन्दै छ यो फुच्चे नाती
बलि भोग तातो रगत न खाएनी हुन्थ्यो दसैं

तिज त्योहार मनाउंदा जेथा सकें ब्यथा थपि
तिर्नै पर्ने साहुको मुख न बाएनी हुन्थ्यो दसैं !!