सम्हालेर रातो टिका song

सम्हालेर रातो टिका राख्द्यौ आमा मेरो लागि
यो दसैं भो साह्रै फिका राख्द्यौ आमा मेरो लागि

अर्को साल टिका थाप्न पिङ्ग खेल्न आङनिमा
ढोका छेउ घडा पिर्का राख्द्यौ आमा मेरो लागि

जमरा र आशिर्बाद सके पठाऊ हुलाक बाट 
झर्दा तिम्रा आसुँढिका राख्द्यौ आमा मेरो लागि

परदेशमा पोल्छ छाती यो चाडबाड आउँदा अती
सम्झिसम्झि आयो हिक्का राख्द्यौ आमा मेरो लागि

सम्हालेर रातो टिका राख्द्यौ आमा मेरो लागि
यो दसैं भो साह्रै फिका राख्द्यौ आमा मेरो लागि