शुक्लपक्ष आङ्गनिमा जून पोखिएछ पश्चिम मा पुग्नु पर्ने नून पोखिएछ
चौंरी खर्क भेंडि खर्क तुषारोले खायो
सम्हालेको थोरै मेरो ऊन पोखिएछ
मुल्याङ्कन कस्को यहाँ शक्ती रैछ भक्ती
सुन्दैछु म तोला सय सून पोखिएछ
सारङ्गीले मुर्चुङ्गाले गीत बिर्स्यो अरे
तान् पुराले भन्दै थियो धून पोखिएछ
पसिनाको मोल छैन गाउँ बेशी रित्तै
बिदेशमा नेपालीको खून पोखिएछ !!
No comments:
Post a Comment