लजाउँदै एेनामा, नहेर् त्यसरी

गीत तिम्रै बगैँचामा, फूलेको हुन्थें म पुष्पका पत्रमा, खुलेको हुन्थें म 

टिपेर कहिल्यै, चुल्ठो सजाइनौ बाटोको छेवैमा, फूलेको हुन्थें म

चिनिनौ मलाई, घुम्टो ओढ्यौ झनै
भमरा बनेर, डुलेको हुन्थें म 

तिमी निदाउँदा, सिरानमा सधैं
सँगै सपनीमा, भुलेको हुन्थें म

पल्टाउदा हरेक, पन्नाहरु´मा
शब्द ति भाबमा, घुलेको हुन्थें म 

लाली ओठका, गाजल नयनका
अधर् अधरमा, फूलेको हुन्थें म

लजाउँदै एेनामा, नहेर् त्यसरी
नजर् नजरमा फूलेको हुन्थें म