गजल - अब

चुलो तातोस कि नतातोस, सडक तात्छ रे अब
सदन भन्दा, सडक बाटै, कडक तात्छ रे अब

उत्पीडित र जातिय बर्ग, मुखैमा झुन्डिय पनि
महल हुँदै, सर्बहाराको, भडक तात्छ रे अब

बिटामा बिकेका कथित ति, देशका खेतलाले नै
भन्दैछन् सुकिला मुकिलाका, तडक तात्छ रे अब

निर्नायक आन्दोलन थिए, भने पनि हिजोका ति
कहिल्यै नभएका देशमा, रडक तात्छ रे अब

रगत बगाउने छनक, नदेखाए हुन्थ्यो बिन्ती
चुलो तातोस कि नतातोस, सडक तात्छ रे अब

via  ekchin.com