गजल त्यो नयनमा सानु

जिन्दगीको साभार पाएं त्यो नयनमा सानु
दुनियाँको आभार पाएं त्यो बयानमा सानु

पूजा आस्था गुम्दै गयो मन्दिरका भजनमा
मायालुको सत्कार पाएं त्यो गजलमा सानु

¨आफन्त¨को मनै छैन शहरको रमितामा
सपनाको साकार पाएं त्यो कबितामा सानु

लावा लश्कर तिम्रै शहर कबि त्यतै लागे
संगितको झन्कार पाएं त्यो बहरमा सानु

आकाश को उचाइँ र सागर को गहिराही
पिरतीको आकार पाएं त्यो मुस्कानमा सानु