डिलको घांस उखलेर गोरेटो नी खन्दै थिएं
प्रतिक्षामा दिन बिते, टोलाई मेरा रात कटे
निलको तारा आकाशमा सकेजती गन्दै थिएं
शुशेलेर डाक्यौ जस्तो गुलेलीले ताक्यौ जस्तो
तिलको गेडा पहाड सम्झी सपनी बुन्दै थिएं
बगरेको रेटाइमा , छट्पटिएर बाँचे पनि
शिलको माछा उनेसरी आँफैलाई उन्दै थिएं
आउछु भनी बाचा गरी ढांटी पर गयौ तिमी
झिलको पानी संग्लाएर पछ्यौरीले छान्दै थिएं
No comments:
Post a Comment