मध्य रात हिजो फेरी सांप हरु डस्न आए
भाग्न खोज्दा वरपर घांटी मेरा कस्न आए
मिठो बोले ढोका खोलें आँखा मुख ढाक्या सब
खोली मेरो रित्तो थियो छुरी बोकी धस्न आए
किन आए को को आए हांसी हांसी भित्रै पसे
बास बस्न पक्कै हैन झिटी झाम्टा खोस्न आए
धन कौडी सब झिक भन्न थाले चर्को स्वर
छैन आफ्नु केही भन्दा धुरी च्याती खस्न आए
यती सम्म भन्न भ्याएं हात जोडी बांच्न देउ
जित्यौं हाम्ले आज फेरी भन्दै रातो घस्न आए!
No comments:
Post a Comment