गजल मुटु पो दुख्यो साथी

पल्टिएछ खिल कतै मुटु पो दुख्यो साथी

अल्झिएछ दिल कतै मुटु पो दुख्यो साथी

कांडा खोज्दै थिएं उप्काउनलाई त्यो खिल

भत्किएछ डिल, कतै मुटु पो दुख्यो साथी 

सिम्सारै जाल हान्न जांदै थिएं कुनै साँझ

पुरिएछ झिल कतै , मुटु पो दुख्यो साथी

सिनेमाको पर्दा जस्तै किन हुन्थ्यो जीवन

चुंडिएछ रिल कतै , मुटु पो दुख्यो साथी  

पल्टिएका खिलले, निल डाम पार्दै गए

बल्झिएछ दिल कतै मुटु पो दुख्यो साथी