गीत झ्याउरे लयमा

घुमाउने घर त्यो, खरको छानो, छाडेर रेगिस्तान
दुई धुर्को आंगन, झुपडी सानो, बारेर रेगिस्तान

मुटुको टुक्रा, हुर्कंदो बाला, धर्धरी रुवाउंदै, साथी 
भुरुरु उडेर गए मौरी,घारको रानो,मारेर रेगिस्तान 

झस्किँदा राती चस्किन्छ छाती बुढा बाउआमा आँखामा
सञ्चैछु है भन्दै,फोनमा भक्कानो, बांडेर रेगिस्तान

सपना यस्तै, बुनेर बाड्दै, जुद्धैछु´नी परदेशमा
बनाइ ल्याउछु कि मुठिको मानो, पारेर रेगिस्तान

कल्पना यस्तै, गरेर साँझ बिहान बाँचेको आफन्त
आफ्नै अंशको कित्ता छिनो र फानो फारेर रेगिस्तान

जेष्ठ ३१,२०७०
रेगिस्तान