गजल देश कसरी चल्छ हजुर ?

कोही छ यहाँ बताई दिने देश कसरी चल्छ हजुर

छैन एेन अदालतमा , केस कसरी चल्छ हजुर?

अपाङ्ग हुँदै गा´छ सरकार मैदानको घोडा जस्तै 

यस्तो बेलाँ बिरोध मात्रै परिबेश कसरी चल्छ हजुर?

प्रतिपक्ष अबरुद्धमा मस्ती, सत्तापक्ष त कठै बरा 

युवा शक्ती बिदेश तिर स्वदेश कसरी चल्छ हजुर?

दौरा सुरुवाल र पटुकी बिर्सी टाइ सुट कसे पछी

लौ त देश अनुसारको , भेस कसरी चल्छ हजुर?

हर पाइलामा ठेस लाग्छ हर गासमा ढुङ्गा हजुर  

लौन मलाई बताइ दिनुस् देश कसरी चल्छ हजुर??