गजल पिलाउँदै छन्

 

छालहरु सागरका, किनारमा आई बिलाउँदै छन्

शत्रु भनुंकि मित्र नै भनुं अझै आई पिलाउँदै छन्

बुझेर बुझि नसक्नु छन् अचम्म लाग्छन् मान्छेहरु

च्यातिएको हिजोको सम्बन्ध अझै आई सिलाउँदै छन्

´ढुङ्गा माथि परेको बिउ´ ए! उम्रिएछ हजुर भन्दै

लाजै नमानी खडेरीमा ऊ अझै आई जिलाउँदै छन्

भन्न पाएं भन्दैमा मनपरी भनी निस्किए तिनै हिजो

रात रहे... अग्रख रे, कुरा अझै आई मिलाउँदै छन्

तेल लगाएर कोपर्ने चलन हिजै देखि चल्दै आ´को

ओकली सकेको हेर्नु बिष अझै आई निलाउँदै छन् !!